दिनांक 23 जून 2025 रोजी सायंकाळी अंदाजे 7:45 वाजता खंडाळा तालुक्याच्या बावडा गावात एका वृद्धावस्थेतील स्त्रीच्या गळ्यातील सोन्याची माळ जबरदस्तीने हिसकवून नेतल्याचा प्रकार उघडकीस आला आहे. आरोपींनी नागेश्वर मंदिराजवळील एका घरात घुसून हा गुन्हा केला,
खंडाळा पोलिसांनी दिलेल्या माहिती नुसार, फिर्यादी बबई रामचंद्र पवार, वय 75, हे बावडा गावात घरकाम करतात. त्या दिवशी रात्री टीव्ही पाहत असताना कोणीतरी दारावर ठोका दिला. दरवाजा उघडल्यावर दोन अनोळखी युवक, ज्यांचे वय सुमारे 20 ते 25 वर्षे आहे, तोंडाला रुमाल बांधलेले होते, त्यांनी घरात जबरदस्तीने प्रवेश केला. त्यांनी फिर्यादी यांचा चष्मा बाजूला केला आणि गळ्यातील एक तोळे वजनाची दोन पदरी सोन्याची अष्टपैलू मन्याची माळ हिसकावून नेली.
या माळेचे मूल्य साधारणतः 72,200 रुपये असल्याचे पोलिसांनी सांगितले आहे. गुन्ह्याचा तपास आणि पुढील कारवाई खंडाळा पोलीस स्टेशनच्या स.पो.नि. मस्के यांनी या प्रकरणाचा तपास करत असून, अद्याप गुन्हेगारांची ओळख पटलेली नाही. पोलिसांनी या दोघा अनोळखी युवकांच्या शोधासाठी जागरूकता वाढविली असून त्यांना लवकरात लवकर अटक करण्यासाठी प्रयत्न राबविले जात आहेत.
