धामणगाव रेल्वे : शहरातील एका निवासी भागात घरासमोर खेळत असलेल्या चार वर्षीय चिमुकलीला खाऊ देण्याच्या बहाण्याने ५० वर्षीय इसमाने आपल्या घरात बोलावून तिच्याशी अश्लील चाळे केले. ही घृणास्पद घटना मंगळवारी भरदुपारी घडली. पोलिसांनी त्याला अटक केली आहे. मंगळवारी दुपारी ती चिमुकली खेळत असताना लोकांची वर्दळ कमी असल्याने आरोपी नरेश (५०) याने तिला खोबरे देतो, असा बहाणा करून घरात बोलावले. त्याने चटई टाकली आणि आपण खेळ खेळू या, असे सांगत तिच्या अंगचटीला येत अश्लील चाळे केले.
